Mansoon update 2026 ; मान्सून 2026 कसा राहणार, तोडकर हवामान अंदाज लाईव्ह.
पुढील म्हणजेच २०२६ च्या पावसाळ्याबद्दल तोडकर यांनी महत्त्वपूर्ण अंदाज व्यक्त केला आहे. २०२५ मध्ये ला निनामुळे आणि मान्सून तेलंगणा मार्गे आल्यामुळे राज्यात जोरदार पाऊस होऊन २५ वर्षांचा रेकॉर्ड मोडला गेला होता. मात्र, २०२६ मध्ये मान्सूनची स्थिती वेगळी राहील, अशी प्राथमिक चिन्हे आहेत. येत्या वर्षात तेलंगणा मार्गे मान्सूनची स्थिती कमकुवत राहण्याची शक्यता आहे. याऐवजी, नैर्ऋत्य मौसमी मान्सून (Monsoon) हा पश्चिम महाराष्ट्रातून गुजरात, राजस्थान आणि मध्य प्रदेशाकडे अधिक शक्तीने सरकेल. याचा परिणाम म्हणून मुंबई आणि कोकण किनारपट्टीवर जोरदार अतिवृष्टी होण्याची दाट शक्यता आहे आणि या काळात चक्रीवादळ निर्माण होण्याचीही शक्यता आहे.
मान्सूनच्या या बदललेल्या मार्गामुळे मराठवाडा, पश्चिम महाराष्ट्राचा काही भाग आणि खानदेश या भागांना जून आणि जुलैच्या पहिल्या दीड महिन्यात अनियमित किंवा खंडित स्वरूपाच्या पावसाला सामोरे जावे लागू शकते. यामुळे पेरण्यांसाठी योग्य पाऊस मिळण्यास थोडा विलंब होण्याची शक्यता आहे, म्हणजेच जून महिन्यातील पावसाचे आगमन २० दिवसांपर्यंत लांबण्याची शक्यता मॉडेलनुसार वर्तवण्यात आली आहे.
२०२६ चा संपूर्ण पावसाळा २०२४ सारखाच (सरासरी) राहण्याचा अंदाज आहे. तर पश्चिम महाराष्ट्राला दरवर्षीप्रमाणे थंड वारे आणि पावसाच्या हलक्या सरींचा अनुभव येईल. तसेच, मान्सून पूर्व तयारी म्हणून मे महिन्यातही काही ठिकाणी मेघगर्जनेसह पावसाची शक्यता वर्तवण्यात आली आहे.
तोडकर हवामान अंदाजानुसार, महाराष्ट्रात सध्या नजीकच्या काळात मोठ्या पावसाचा कोणताही धोका नाही. नोव्हेंबर महिन्याच्या शेवटच्या आठवड्यात, विशेषतः १८ ते २१ तारखेच्या दरम्यान, दक्षिण महाराष्ट्र, पश्चिम महाराष्ट्र, मराठवाडा आणि पूर्व मराठवाड्याच्या काही भागांमध्ये हलके ढगाळ वातावरण निर्माण होण्याची शक्यता आहे. मात्र, यामुळे मोठ्या पावसाची भीती नाही, फक्त थंडीची तीव्रता काही दिवसांसाठी कमी झाल्याचे जाणवेल.
डिसेंबर महिन्याच्या पहिल्या आठवड्यात बंगालच्या उपसागरात कमी दाबाचे क्षेत्र निर्माण होऊन त्याचा जोर प्रामुख्याने छत्तीसगड आणि तेलंगणामध्ये राहील. याचे किरकोळ परिणाम कर्नाटक, तमिळनाडू तसेच महाराष्ट्रातील नांदेड, लातूर, सांगली आणि सोलापूर परिसरामध्ये जाणवू शकतात, जेथे हलक्या सरी किंवा तुषारांचा वर्षाव अपेक्षित आहे, पण महाराष्ट्रासाठी कोणताही मोठा धोका नाही.
