पंजाब डख हवामान अंदाज: राज्यात येनार तीव्र थंडीची लाट, पुन्हा पाऊस येनार…?
नमस्कार, पंजाब डख यांनी ९ नोव्हेंबर २०२५ रोजी शेतातून पेरणी करताना राज्यातील शेतकऱ्यांसाठी महत्त्वाचा हवामान अंदाज जाहीर केला आहे. त्यांच्या अंदाजानुसार, राज्यात थंडीची सुरुवात झाली आहे आणि आता ११ नोव्हेंबरपासून ते ३० नोव्हेंबरच्या दरम्यान तीव्र स्वरूपाची थंडीची लाट येण्याची शक्यता आहे. या काळात रात्रीच्या तापमानाचा पारा आणखी खाली घसरणार आहे. ही थंडीची लाट केवळ महाराष्ट्र नव्हे, तर पूर्व विदर्भ, पश्चिम विदर्भ, दक्षिण महाराष्ट्र, उत्तर महाराष्ट्र, मराठवाडा, कोकणपट्टी, खानदेश तसेच तेलंगणा आणि आंध्र प्रदेशासह संपूर्ण प्रदेशाला व्यापून टाकणार आहे. राज्यातील नंदुरबार, नाशिक, धुळे, जळगाव, बुलढाणा, अकोला, अमरावती, वर्धा, नागपूर, भंडारा, गोंदिया, चंद्रपूर, यवतमाळ, वाशिम, हिंगोली, परभणी, नांदेड, जालना, संभाजीनगर, धाराशिव, सातारा, सांगली, सोलापूर, कोल्हापूर, लातूर आणि बीड यांसह जवळपास सर्वच जिल्ह्यांमध्ये थंडीची तीव्रता वाढणार आहे.
